منتدى ابناء تنقسى الجزيرة
منتدى ابناء تنقسى الجزيرة
منتدى ابناء تنقسى الجزيرة
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


العبـــــــــــــــــير الفواحــــــــــــــــــــــــــــ
 
الرئيسيةالبوابةأحدث الصورالتسجيلدخول

 

 ابوخالد (الطمع)

اذهب الى الأسفل 
2 مشترك
كاتب الموضوعرسالة
بت الفكي
ادارة المنتدي
ادارة المنتدي
بت الفكي


عدد المساهمات : 171
نقاط : 324
السٌّمعَة : 0
تاريخ التسجيل : 12/10/2010
الموقع : بورسودان_السودان

ابوخالد (الطمع) Empty
مُساهمةموضوع: ابوخالد (الطمع)   ابوخالد (الطمع) Icon_minitimeالأحد 20 فبراير 2011 - 6:44

في ظهر يوم هادي والسماء خالية من السحب تتوسطها شمس
بيضاء والهدوء يعم ارجاء المدينة ورتابة الحركة اليوميه....
دارت احداث تلك القصة الحزينة المؤلمة التي دمعة لها الاعين
واحتارت فيها العقول وكان التعبير فيها بالدموع المتقاطرة من
من اعين الجميع رجال ونساء مرددين لاحول ولاقوة الا باالله
حتي لا اطيل عليكم سارويها كما حدثت .....
(طرق باب احدي المنازل طرق هادي )
صوت من الداخل.... مرحب حبابك
نفس الصوت .... مخاطب احدا بالداخل
ياخالد ياخالد
صوت اخر ايوه ياحاج
الصوت افتح الباب شوف منو البخبط
يفتح الباب
خالد: مرحب
الطارق: السلام عليكم ده مش بيت حاج الامين لوسمحت
خالدSad مبتسم) وعليكم السلام ورحمة الله لا والله ده بيتنا اقصد
بيت حاج احمد ابوي
الطارق: طيب حاج الامين مشي وين؟؟؟
صوت من داخل المنزل
يا خالد ده منو قوليهو اتفضل
خالد: اوه سوري اتفضل شكلك كده ما من البلد دي
الطارق : (وهو يلج الي الداخل) حقيقة انا جاي من (السعوديه)
خالد : حمدالله علي السلامة يازول وشكلك طاشي من البيت
الطارق : لا انا متاكد انو ده البيت الانا قاصدو بس الحقيقه انا جيت
قبل ثمانيه سنوات تقريبا
(في هده الاثناء يظهر من الداخل رجل قد تجاوز الستين يحمل عصاء
يتكاء عليها)
الرجل : حمدالله علي السلامة يا ولدي

الرجوع الى أعلى الصفحة اذهب الى الأسفل
https://tangse.alafdal.net
بت الفكي
ادارة المنتدي
ادارة المنتدي
بت الفكي


عدد المساهمات : 171
نقاط : 324
السٌّمعَة : 0
تاريخ التسجيل : 12/10/2010
الموقع : بورسودان_السودان

ابوخالد (الطمع) Empty
مُساهمةموضوع: ابوخالد (الطمع)   ابوخالد (الطمع) Icon_minitimeالأحد 20 فبراير 2011 - 6:47

الطارق : الله يقبل حمدك يا حاج
خالد : يقاطع( الحديث) ده طبعا ابوي الحاج احمد وده
الطارق : انا اسمي واسامه وجاي من السعوديه وقلت قبل ما امشي
البلد اجي اسلم علي عمي حاج الامين
الرجل : يا اسامه ياولدي حاج الامين صحي كان ساكن هنا وبعدين
سافر البلد نهائي ليهو سنة تقريبا وانا كنت شغال معاهو ونزلنا معاش
سوي وهو قال ما بيقعد هنا ماشي البلد نهائي وانا اشتغلت خفير
هنا لحد ما خالد يخلص الجامعه وانا كمان امشي بلدنا واعيش هناك
اسامة : يا اخوانا انا اسف جدا للازعاج انا حا امشي ابيت في اي
فندق وبكره مسافر البلد
الرجل : فندق ياولدي الكلام ده عيب منك حرم ماتمشي فندق نحن
ناس بلد تبيت هنا والبيت اكان ما شالك نشيلك في راسنا
اسامه : اه والله الواحد مشتاق للكلام ده كتر خيرك ياحاج
الرجل : في شنو نحن ما عملنا حاجه غير الواجب ياولدي
الرجل: ( مواصلا موجه خطابه لابنه) يا خالد دخل عفش اخوك ده من
الشارع
اسامه Sad مبتسما ) لا لا انا ماعندي عفش
الرجل : (مستغربا) ماعندك عفش ما قلت جاي من السعوديه اه والا
في الميناءلسه ما طلع
اسامه : لا ابد انا جيت طيران وما جبت معاي اي عفش
الرجل : (مقاطعا) بصوت عالي ثمانيه سنوات ما جبت معاك عفش
كيف الكلام ده مالك كنت مسجون؟؟؟
اسامه : (ضاحكا) اصل في الحقيقه يا حاج كل مره انا اجي فيها الاجازة بجي محمل بالعفش وذي ما عارف الاجراءت يوم يومين
وجري وتعب وده راح وده اتسرق المرة دي انا جاي نهائي وركزت
ان اجيب معاي قروش وبس اهو البلد الحمدلله فيها اي حاجة مع اختلاف بسيط في الاسعار ولا من التعب ما جبت معاي غير الشنطنة
الصغيره الشايله في ايدي دي تعرف فيها كم ياحاج؟؟؟

الرجوع الى أعلى الصفحة اذهب الى الأسفل
https://tangse.alafdal.net
بت الفكي
ادارة المنتدي
ادارة المنتدي
بت الفكي


عدد المساهمات : 171
نقاط : 324
السٌّمعَة : 0
تاريخ التسجيل : 12/10/2010
الموقع : بورسودان_السودان

ابوخالد (الطمع) Empty
مُساهمةموضوع: رد: ابوخالد (الطمع)   ابوخالد (الطمع) Icon_minitimeالأحد 20 فبراير 2011 - 6:59

الحاج : فيها كم
اسامة : فيها ارببعمائه خمس وعشرين الف ريال حصاد تلك السنين
قلت اجي اعمل بيها مشروع هنا في بلدى ونعيش بالمقسومة
الحاج : الله يوفقك ياولد ويعوض شقاك فيها مبلغ محترم والله
اسامة : ااامين يا حاج
الحاج : يا خالد قوم جيب لا اخوك ده لقمه وكباية مويه
اسامة: لا الف شكر والله انا متغدي شبعان والله بس لو لقيت
كباية شاي ساده مدنكله ما بطال
خالد : الشاي جاهز نحنا اتغدينا قبل شوية ولسه ما شربنا الشاي
الحاج : ارتاح يا ولدي البيت بيتك وعن اذنكم انا داير اخد
لي تكيه شويه (منصرفا الي الداخل)
اسامه : يا ابو الخلد عامل كيف مع الدراسة شد حيلك
خالد : اهو الحمد لله ماشي الحال اتكي انت جاي من السفر تعبان
اسامة : والله يا خالد من شوقنا وفرحتنا لم نجي البلد التعب كلو يروح
تعرف انا نفسي اتونس واضحك وامشي لي حفلة واهجج شوية
نواصل....باذن الله
الرجوع الى أعلى الصفحة اذهب الى الأسفل
https://tangse.alafdal.net
ابواسيل
مشرف
مشرف



عدد المساهمات : 73
نقاط : 179
السٌّمعَة : 0
تاريخ التسجيل : 24/04/2010
العمر : 59
الموقع : الرياض

ابوخالد (الطمع) Empty
مُساهمةموضوع: رد: ابوخالد (الطمع)   ابوخالد (الطمع) Icon_minitimeالسبت 5 مارس 2011 - 2:39

سلام بنت الفكي ومنتظرين السرد الجميل لاتتاخري علينا
الرجوع الى أعلى الصفحة اذهب الى الأسفل
http:// https://tangse.alafdal.net/act?u=24&ak=ef2c10
 
ابوخالد (الطمع)
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى ابناء تنقسى الجزيرة :: المنتدي العام :: منتديات الادب والثقافة والفنون :: اقلام تنقسي-
انتقل الى: