منتدى ابناء تنقسى الجزيرة


العبـــــــــــــــــير الفواحــــــــــــــــــــــــــــ
 
الرئيسيةالبوابةاليوميةمكتبة الصورس .و .جالتسجيلدخول

شاطر | 
 

 عاجل الشفاء للخال متوكل محمد عثمان ببرمنجهام

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
بشرى مبارك ادريس
تنقساوي ذهبي
تنقساوي ذهبي


عدد المساهمات : 511
نقاط : 939
السٌّمعَة : 3
تاريخ التسجيل : 01/09/2011

مُساهمةموضوع: عاجل الشفاء للخال متوكل محمد عثمان ببرمنجهام   الأربعاء 9 نوفمبر 2011 - 4:07

الهلالابى الرقم فى بيرمنجهام وعاشق الهلال والمشجع الاول بلا منازع وصاحب الحضور الراقى لكل مباريات الهلال الاخ متوكل محمد عثمان المشهور بمتوكل (الخال ) سوف يقوم إن شاء الله بعمل زراعة كلى فى القاهرة خلال هذا الشهر إن شاء الله وقد ساهم الدكتور أنور أحد الاطباء السودانيين الاختصاصيين بتوفير مبلغ كبير من تكاليف العملية والتى وصلت 13 ألف جنية إسترلينى وقد أتفق أصدقاء ومعارف الاخ متوكل فى بيرمنجهام على عمل إحتفال مصغّر الغرض منه جمع ما تيسّر من مساهمات من الاخوان يوم السبت القادم 12 نوفمبر بصالة الاخ النور (النور عضّه ) فى سوهوروود بيرمنجهام والمكان معرووف لكل سودانى فى بيرمنجهام حيث يوجد مكان الحلاقيين السودانيين المعروف إضافة الى سوبر ماركات ومطعم النور عضّه ، كان الاخوان أزهرى وصلاح علامة قد أخطروا فى العيد معظم الاخوان ورأيت أن أساهم بقصيدة تلهب حماس الاخوان لكى يزيدوا من مساهماتهم وكتبت القصيدة اليوم وقرأتها على الاخوان متوكل الخال والاخ أزهرى والاخ على الشاعر وربما بكرى بشرى إذا وجدته فى المنزل والان الى القصيدة والتى سوف ألقيها على الحضور إن شاء الله وقد وافق الاخ متوكل محمد عثمان على إنزالها فى منتدى السقاى والمنتديات الاخرى التى أشارك فيها عاجل الشفاء وناجح العملية للاخ متوكل ، وقد يتساءل البعض لماذا فى القاهرى ؟؟والسبب أن الخال سوف ينقل من شقيقة حسب ما عملت وإجراءات الدخول الى بريطانيا معقدة فقرروا أن تكون فى القاهرة لسهوله الاختبارات ووصول الاسرة من السودان الى القاهرة ، نسأل الله له الصحة والعافية وأن ينجح المهرجان يوم السبت ودعواتكم والعندو أى دعم مرحب بيهو وما تنسوا أخوكم من الدعوات وأخر دعوانا أن الحمد لله رب العالمين والان الى القصيدة :


متوكل أخونا الخال

أتجمّعنا واتلمينا لى متوكل أخونا أخونا الخال
وعليكم الله زيدو الهمّه رصو العمّه ختو البال
أصلو العمر عارية من المولى وبرضو المال
وما بنبخل نجود والله كان بالوزن أو مثقال
يبارك الكريم جودك ويحفظ ليك صحة عيال
ويسهّل يسهّل كل أحولك ويدييك التريدو منال
ولو ما عندك الزوجة يزوّجك يزوّجك الكريم فى الحال
ولو ما عندك الاولاد يدييك البنات يجيدن رقصه الشبال
ولو ما عندك الاوراق تجييك إقامة إقامة بى رأس مال
ويدييك الكريم من خيرو وخيرو كتيير وما بنشال
ودكتور أنور أنور المبرووك ما قصّر معاك يا خال
وأتكفّل يشيل الشيلة ونحنا معاهو معاهو نستر حال
ونحنا معاهو بالدعوات فى السجدات وفوق الحل والترحال
وأهو السودانى فى وجدانى ما وصفوه بالكعب بطال
ولو ما عندو زاد عدمان عدمان يبييع العمّه أو الشال
وما بقصّر ما بقصّر ولو نادوهو ما بنّضُم يجييب موال
ولو أدوهو جرس تلفون ما بقفل بقفل على الجوال
وشُفت الجوك وكيف كيف عزووك لأنّك إنت أروع خال
وجووك يمين جموع إستاد وما شاء الله تلقى مريخ معاهو هلال
وعليكم الله بس للذكرى كلمو والكايس الاجر حا ينال
توفيق من كريم ورحيم وصحة وعافية فى الاوصال
وأختم بالدعاء يارب يارب أحفظ جمعنا جمعنا المفضال
وأختم بالدعاء يارب يارب أحفظ جمعنا جمعنا المفضال
الرجوع الى أعلى الصفحة اذهب الى الأسفل
 
عاجل الشفاء للخال متوكل محمد عثمان ببرمنجهام
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1
 مواضيع مماثلة
-
» ادمـ . فكيف اهتم ببشرتي .!!
» أسباب رائحة الفم الكريهة
» اسماك الزينه كائنات تبعث البهجه والسرور فيجب الأعتناء بها
» اليـــــــــــسا -- اجمل احساس *** جوايا ليك +++ كلمات الاغنية
» طبيب الأجرة.. قصة شاب سعودي

صلاحيات هذا المنتدى:لاتستطيع الرد على المواضيع في هذا المنتدى
منتدى ابناء تنقسى الجزيرة :: المنتدي العام :: منتديات الادب والثقافة والفنون :: منتد الشعروالشعراء-
انتقل الى: