منتدى ابناء تنقسى الجزيرة


العبـــــــــــــــــير الفواحــــــــــــــــــــــــــــ
 
الرئيسيةالبوابةاليوميةمكتبة الصورس .و .جالتسجيلدخول

شاطر | 
 

 أنا من بحرى .......أنا بحراوى وقصيدة من بشرى مبارك

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
بشرى مبارك ادريس
تنقساوي ذهبي
تنقساوي ذهبي


عدد المساهمات : 511
نقاط : 939
السٌّمعَة : 3
تاريخ التسجيل : 01/09/2011

مُساهمةموضوع: أنا من بحرى .......أنا بحراوى وقصيدة من بشرى مبارك   الخميس 17 نوفمبر 2011 - 5:04

أنا من بحرى أنا بحراوى........( وقصيدة من بشرى مبارك إدريس)

--------------------------------------------------------------------------------


لاشك أن مدينة بحرى الهادئة والتى تكمّل الضلع التالت لمثلث العاصمة السودانية الخرطوم والتى تشمل (أمدرمان والخرطوم والخرطوم بحرى ) لها وقع خاص فى نفوسنا نحن أبناء ريفها الشمالى رأيت أن أعبّر عن ذلك بقصيدة أتمنى أن تجد حظها لكى تصبح قصيدة بحرى الوطنية والى القصيدة :


أنا من بحرى من بحرى وأنا بحراوى
جمالك رائع جمالك رائع كلحن الحاوى
فيكى سمعنا فيكى سمعنا جميلة حكاوى
نسيمك نسيمك صافى يريّح يريّح إداوى
ما اظنى أفارقك أفارقك كيف وتب ما ناوى
كلك كلك بهجة وبهجة ومافى مافى مساوى
طبييبك بارع طبييبك بارع وصوتك داوى
زراعتك زراعتك خضرة خضرة وفيها مشاوى
وسوقك سوقك مركزى خضارك خضارك ضاوى
وده الخلانى ده الخلانى أقول بى إسمك أنا بحراوى
أنا بحراوى أنا بحراوى أنا سودانى أنا سودانى
شوف شوف الازرق حولك هادى هادى ولاوى
وشوف النيل النيل اللونو لونو سماوى
**************************
**************************
**************************
كبارى جميلة بين أطرافك عامله عامله مثلث
وإنتى الضلع التالت وجوّك بهجة وما هو ملوّث
طريقك رابط مع مصفاة الجيلى مره عدييل والتانى مقوّس
والريف الرائع كلو جنائن وتمرو أصيييل ما فيهو السوّس
الكباشى والسقاى والفقرا هناك هناك الزجرو الوسوس
النيّة كمان واوسى الجيلى ودرملى هناك وقرى أقيف أتنفس
وتلقى جناين فيها تعاين وتلقى كمائن وطوبى جمييل وحسن الملمس
الرجوع الى أعلى الصفحة اذهب الى الأسفل
 
أنا من بحرى .......أنا بحراوى وقصيدة من بشرى مبارك
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى ابناء تنقسى الجزيرة :: المنتدي العام :: منتديات الادب والثقافة والفنون :: منتد الشعروالشعراء-
انتقل الى: