من روائع الراحل عبدالله محمد خير رحمة الله عليه

--------------------------------------------------------------------------------

هو ذاك الغزال الاسمر صاب الروائع والتي جمعت بين طيبة اهلنا في الشمال والحنين والغربة

وارجوع للبلد والواقع الحاضر الغائب بين اسفار واسرار الحب الدفين للوطن

سوف اكتب كل يوم واحدة من روائع الراحل عبدالله محمد خير رحمة الله عليه

ايام الشباب

بعشقك مهما السنين سرقتني ايام الشباب

واعشقك مهما رؤاي غتاها من تالاك ضباب

واعشقك مهما يقولو الناس علي جن ومصاب

بعشقك من غير حساب

******************
وليك من غير ما تقول لي سلام بقول اهلأ حباب

وافضل استناك قدر زمني الرجيتك فيهو

لو قدرري استجاب

كلو عمري نذرتو لي قمري المطول مني غاب

وانت مهما طال زمانك

ليط اخر ياعذاب

***************
بعشقك وما شفت انسان ادمن الريد

ومنو تاب

بعشقك وما شفت مجنون

غير فقيرو يمسو طاب

إلا خايف عمري يكمل ولسه في صبري العقاب

وكت بمد ايامي لولا أن

لكل أجل كتاب

****************

بعشقك ولي مافي غير عشقك ماب

كل شعري ونثري كلو وكلي في واديك صاب

وماني خايف في نهاية دربي

ظني يقولو خاب

وإني ليك لابد واصل

ويبقي قلبي انا غاب وجاب

بعشقك من غير حساب

سبحان الله انسان متفرد