قصيدة طيبة القرية

قصيدة طيبة القرية
للشاعر عبد المنعم ابو نيران

انا طريت القرية يا دمعاتي سيلي
باقي من اتحرمتا سنين طويلي
طريت ناسنا الحنان ما نمتا ليلي
ناسا نفوسن صافي من نية الرزيلي
ناس قلوبن راقدي بالحاجة القليلي
وناس يكرموا الضيف لو كان بالبليلي
ناس يعزوا الجار يموتوا حمي القبيلي
ودي طيبة القرية ما جاتن دخيلي

طيبة القرية يا خلايا احسبا في النسيمة الجاية
في كلماتي في نغماتي في طنبوري في السلكاية
في سلك اترخي وشديتوا وعنوان جواب رديتوا
وفي محبوبي حين لا قيتوا من جيرانوا راجع بيتوا
طيبة القرية اهـ يا خلا وفي تربال طلع واندلا
وفي شتلا يادوب سلا وفي حوضاً شرب واتبلا
طيبتا في حجي الحبوبة وطيبتا دي في طين البيوت مكتوبا
طيبا في ضليل راكوبا في ريحة التراب واللوبا
طيبتا من شتاها وصيفا في عز الخريف في الزيفة
طيبتا من الليالي الهادي وفي شوق القعود من وادي
طيبتا في عيون اجدادي شيتا شفتو من ميلادي
طيبتا من نخيلا ونيلا من قيزان رمالا وليلا
طيبتا من ضهر قنديلا لمن نعوز نمشيلا
طيبتك أرقي في وجداني في افراحي في احزاني
كل مالم الزمان طراني ريد احبابي شوق جيراني
هذه الكلمات اهديها لكل اهلنا في الشمال الذي كلما رايت نخيله من بعد خفق قلبي حنينا وشوقا لارض الاباء والاجداد بالرغم من انني ولدت وترعرعت في الخرطوم لكن الشمال في كل شيء