عدد المساهمات : 3 نقاط : 9 السٌّمعَة : 3 تاريخ التسجيل : 05/03/2011 العمر : 42 الموقع : بحري
موضوع: انا المآساتي ما بتتقال الأربعاء 16 مارس 2011 - 15:43
بقيت احسب عميري الفات عذب لا حفلة لا شبال لقيت الراح كتير وكتير مرق لا زوجة لا اطفال تراني وسط مهب الريح مريكب لافحها الشلال بقيت مسحور عيونك ديل اتحجر بقيت تمثال وافتش في مكانك وين لقيتك في قليبي هنا تقولي انا ؟ انا المآساتي ما بتتقال انا الجرب مآسي الغير تعال شوف كيف حفن كرعي وانا اتبشتنت يا خلاي فوق درب الفريع الني بقتلي مع العيون قصة مخلفة فوق جروحي الكي خيالن ما دوام نافر يحلق في خلاهو الصي ولا قادر اصد وارجع ولا قادر اداري البي واشوف قيمك وانا العطشان واقول هسع يجيني الري وافكر في امور الحب وادور في ساقية غير معني تقولي انا ؟ انا المآساتي ما بتتقال حليلي انا وحليل ايام سعادتي معاك وقت كان الزمن بسام يشاور لي دوام ضحاك يضمنا كان هدوؤ الليل ولا حس همسة لاكوراك لقيت تب يا قلب زولك بعد وجعك لقيتو دواك اتاريهو الزمن دولاب قسي ورجعني الف سنة تقولي انا ؟ انا المآساتي ما بتتقال طريتها انا طريت السمحة بين اهلها وقت تنزل وقت تطلع مع الحوب يجتمع شملها تمد ايديها للمنقة تداعب للجريد قبلها وما هماها زولا فات يقاسي الغربة من اجلها ما خلتني اكتويت بي ريدها افتل في حبال رمله كمان خايف الجنون يحصل يتيه عقلي واجن بعدلها بوريكم مآسي غرامي عشت عمري كان تمنها تقولي انا ؟ انا المآساتي ما بتتقال
بت الفكي ادارة المنتدي
عدد المساهمات : 171 نقاط : 324 السٌّمعَة : 0 تاريخ التسجيل : 12/10/2010 الموقع : بورسودان_السودان
موضوع: رد: انا المآساتي ما بتتقال الخميس 17 مارس 2011 - 6:19
هلوله يا مبدعة كلمات جميلة منتقاة ان دلة انما تدل علي احساسكم المرهف نحن في انتظار المزيد
د.فوز مراقبه
عدد المساهمات : 30 نقاط : 48 السٌّمعَة : 3 تاريخ التسجيل : 28/02/2011 العمر : 54
موضوع: رد: انا المآساتي ما بتتقال الخميس 17 مارس 2011 - 13:48
هاله بت حسن تحياتى لابداعك المستمر
والعجب يا جماعة لو سمعتوها صورة وصوت...تحتاروا عديييييييييل تسلمى لينا فوز
حمدابيه مئه مشرفة
عدد المساهمات : 46 نقاط : 55 السٌّمعَة : 0 تاريخ التسجيل : 08/12/2010
موضوع: رد: انا المآساتي ما بتتقال الجمعة 18 مارس 2011 - 1:53
موضوع: انا المآساتي ما بتتقال 
الأربعاء 16 مارس 2011 - 15:43
