مسدار للهلال والانتصار بثلاثية على الانتر كلوب

اليوم والحمد لله كان الهلال بدراً مكتملاً بثلاثية ولا أروع الهجوم كاسح والوسط مكافح والدفاع نافع (رغم الخلل فى بعض الاوقات ) الاهداف الثلاثة تحكى عن الروعة والحلاوة والمقدرة والعزف الكروى البديع !! مبرووك نجوم الهلال فاليوم كنتم المبدعين وكلكم نعطيكم من 7 وما فوق ومنكم من وصل التسعة مثل عمر بخييت وكاريكا وجمعة جينارو !! طبعاً الكمال لله وحده .
رأيت أن أكتب مسدار الفرح وخماسية نقول فيها :

ثلاثة اهداف رهيبة كاريكا كان فى يومو
جمعة يا رهييب صحى الوصيف من نومو
شوف كييف الهلال أبدع وزّع وزاد فى كومو
الانتر بدرى بدرى ودّع وخلاهو كاد كاد فى دومو
يا عمر المعلم أبدعت يا ملك الوسط شيال لكل همومو

أفرحو بالعروض ليها الهلال كييف سطّر
وفى شباك الخصوم بى نارو نارو حالاً أمّطر
أبنسط الجمييع وكل زوول زوول قعد بتبختر
زاد لينا الفرح بالعرض الجميل وعمرنا باصو مقنطر

يا الانتر كفاك فوق للتلاتة كفاية
مرقت من البطولة وطلعت فيها دعاية
حارسك قال بيحمى بس طلع طلع صفاية
كاريكا الرهييب العجييب فى رسولنا زادو حكاية
وريّح لى نفوسنا وطمّن لى قلوبنا يا رب تزيدو رعاية

دايماً يا الهلال عالى وساطع بدرك
فى أفريقيا أول مين تانى زييك قدرك
أتاهل أصل للكأس ورافع رافع صدرك
شافوك الالوف وما ظن فريق حا يحدرك

» هاردلك مريخ ...ومبروك للهلال
» الهلال السودانى يطيح بدبلوماسى أفريقيا الوسطى بثلاثية نظيفة فى عقر ديارهم والمريخ يتع
» رمضان كريم ونباركو ليكم بى مسدار ومن بيرمنجهام سلام
» مسدار للدعيع وأخوانه أبطال أهلى شندى نمور دار جعل
» مسدار الصباح تأليف وقطع ونجر بشرى مبارك مشارك به فى معظم المنتديات