مستوى الهلال والله جد حيرنا ومسدار من هلالابى !!!!

مستوى الهلال والله جد جد حيرنا ومسدار من هلالابى

حاولت عن عمد عدم معرفة نتيجة مباراة المريخ العاصمى ومريخ فاشر السلطان إلا بعد معرفة مباراة اليوم بين الهلال العاصمى والاهلى شندى (نمور دار جعل ) !!وصلت المنزل مرهقاً من العمل وخلدت الى النوم وأستيقظت وعلى الهاتف الى صديقى بكرى أبوبكر !!!( ل قصدى بكرى بشرى السيد الهلالابى وجارى فى بيرمنجهام ) فسألته لبشّرنى بفوز الهلال بناءاً على سته الموردة الاخيرة !! فقال لى لم يجد لها أى خبر وكان خارج المنزل !! بدأت فى متابعة شريط الفضائية السودانية بعد محاولات هاتفية لهلالاب ومريخاب بالسودان لم تنجح !!! فإذا بى أجد الخبر اليقيين فى الشريط !!!وأن نمور أهلى شندى حطوا كبرياء وستات الهلال وهزموا الهلال بهدفين مقابل هدف !!! فقلت ماذا سوف أقول للأخ جعفر مصطفى جعفر فى منتدى البركل والذى لم يترك حتى بوست العزاء فى والدى لكى يسألنى (عن درونات الهلال !!! فأقول له جابت ليها كمان هزائم وأصبح حالنا هو حالكم ولكن أنتم متصدرين ومبروك عليكم مليون البطولة العربية ) ووالله العظيم لو كنت مسؤول فى إدارة الهلال لذهبت الى الاتحاد العام ولنادى المريخ وقلت لهم مبروووك عليكم أمشو مثلوا فى البطولة العربية إن شاء الله (البعرة ما تعتر ليييكم ، ليس لأنهم الاجدر ولكن لخيبة الهلال الكبيرة وإنتكاسته التى بدأت بسته تعادلات وأنتهت بهزيمة قاسية سوف لن ننساها قريباً !! أقول لأحمد عافية أرجو أن تترك الهلال لفشلك التام فى تحقيق نتائج خلال توليك للهلال بعد غارزيتو !! وهذه الهزيمة جعلتنى أكتب هذا المسدار وقلت فيه :

مستوى الهلال والله جد جد حيّرنا
ولاكين الصبُر وصابرين وما اتغيرنا
كم أهلى شندى فى دارو كم كم سيّرنا
أظن كان ليهو حق لمّا الإتحاد عيّرنا
وضع إسم المريخ وجانا النمور طيّرنا

» حدى يفرح بالبلنجة ويمشى يختار الهلال!!!!؟؟؟؟ موضوع ومسدار من بشرى مبارك
» لو حُمت فى كل البلاد ورددت لى إسم الهلال الرد يجييك (سيد البلد ) ومسدار من بشرى مبارك
» تحليل مبارة الهلال والملعب المالى التى أنتهت بفوز الهلال بهدفين من كاريكا وبشه
» هل نصدق أن الدورى السودانى الممتاز الاول على مستوى أفريقيا ؟؟؟!!!؟؟؟
» مالك يا الوصيف الوحدات طبق عليك الكيّة ( ومسدار )