نقلاً من منتدى ودبهاى وغزل الدبلوماسية السودانية والصديق وبشرى فى الناها بت مكناس وزير خارجية موريتانيا السابقة

مصطفي حسين
«۩۞۩- عضو مشارك -۩۞۩»

رقم العضوية : 1307
تاريخ التسجيل : Aug 2011
مجموع المشاركات : 4

--------------------------------------------------------------------------------

الإخوة بمنتديات ود بهاي
لكم التحية فأنا عضو جديد بمنتداكم الرائع
وأشكر الأخ الصديق ابراهيم لسرعة تفعيل عضويتي
فالوسيط الذي دلاني علي هذا المنتدي هو بوست الناها بنت مكناس لقد وجد رابط البوست بمنتدي سودانيز أون لاين فبمجرد أن ضغطت علي الرابط وجدت نفسي هنا في هذا العالم الجميل ، فحتي الأعضاء هناك علقوا علي هذا البوست الرائع وكذلك علقوا علي تصميم المنتدي ذو الألوان الزاهية ، وبكل صراحة أقولها لكم بأن منتداكم رائع بمعني الكلمة لم أجد مثيل له منذ ولوجي عالم المنتديات فهنيئاً لكم بهذا التفرد والتميز
فالاخوان الصديق وجنابو بشري هم الذين أضافوا لمسات جميلة لهذا البوست بقالب شعري رصين فمنتداكم هو من أوائل المنتديات التي تطرقت لموضوع الناها ، فقد وجدت رابطكم هذا بسودانيز أون لاين وبمنتديات عديدة لا حصر لها ، فهذا البوست من أجمل البوستات التي تناولت موضوع الناها فوضع صور الناها بأطراف المشاركات هو الذي أضاف رونقاً وبهاءاً للبوست

بشرى مبارك
«۩۞۩- المراقب العام -۩۞۩»

رقم العضوية : 3
تاريخ التسجيل : May 2010
مجموع المشاركات : 871

--------------------------------------------------------------------------------

شكراً للاخ مصطفى حسين والذى (جابو درب الناها علينا فى ودبهاى ) فترحب بك ودبهاى ترحيباً يفوق قصائد السودانيين التى كُتبت فى الناها بت مكناس، والله إنه لشرف لنا أن يكون هذا البوست قد تناوله الاخوان فى منتدى سودانيز أون لان ذايع الصييت ، على العموم وبمناسبة قدومك لنا فى ودبهادى لابد أن نكرمك بمسدار إستقبال وهذا أول وأقل مكرمه نستطيع أن نقدمها لك والقادم أحلى إن شاء الله (وأنا فى ودبهاى ضيف زييك ) لكن لما يجييك صاحب الدار ومؤسس المنتدى الصديق أخوى إن شاء الله يقدم لك أكثر مما قدمته والان الى المسدار :

مرحب بالمصطفى ود حسين الجانا
ومرحب بيك تفضّل وأبقى لى تالانا
أدخل منتداك ما شُفنا أصلو أصلو أبانا
نرحب بيك جميع شايلين وجبنا جبنا عشانا
أدينا الجديد وأدينا المفيد وأكتب وزيدو معانا

--------------------------------------------------------------------------------

الناها الرهيبة الفى اللبس مستوره
يوم فارقت الوزاره فارق عيونى حضوره
الصديق أخوى أبحث وشوف شوف مخبوره
حتى لو تسافر وتقطع للتذاكر شوف لينا يا اخى شعوره
وقول ليها الناس (فارشه عدييل) بس ناقصم ناقصم مطموره

يوم أمس, 07:50 AM #40
معلومات العضو
بشرى مبارك
«۩۞۩- المراقب العام -۩۞۩»

رقم العضوية : 3
تاريخ التسجيل : May 2010
مجموع المشاركات : 871

--------------------------------------------------------------------------------

وين السفراء دييك أهل القصيد والداره جد معموره
وين أهل القرى السقاى ودبهاى تنقاسى تنقسى والعيكوره
وين أهل الفنون والطرب والشعر والنم وأهل الميادين كوره
قولونا الكلام وأدونا الجديد ليه الناها الناها الناها الناها ما مذكوره
يارب يا كريم ترجع للنعيم وترجع للوزاره ويرجع حارسه حارسه أب دبوره

يوم أمس, 08:05 AM #41
معلومات العضو
بشرى مبارك
«۩۞۩- المراقب العام -۩۞۩»

رقم العضوية : 3
تاريخ التسجيل : May 2010
مجموع المشاركات : 871

--------------------------------------------------------------------------------

توب سادومبا جييبو ياالصديق وشوف الموضة
لكن الهلال ما فرحنا أصلو وما كسح للموجه
خايفين من الخروج ونمرق من كبار كبار اللوجه
ما كان الهلال فى يومو وكانت عروضو هبوجه

والله العظيم يا بشرى أخوي إحترت فيكم كلكم من الازرق للاغبش لنطاط الحيط ,, يا جماعة إنتوا بي صحكم ؟؟ أسع دي زولة يقول فيها الكلام دة كلو ؟؟ وفي شنو ؟؟ إنتوا في بيرمنجهام محظورين من رؤية الستات ؟؟ ولا عزابة ,, عزبتونا با لناها (شوف ) الاسم ,, عليك الله ودي الجدعة لمنتدى ود بهاي الذي منعنا من الاشتراك رغم انني كنت البي رغبتك ودعوتك
ياناس الغربة حارة ومتقلبة أهواها
مفهوم شوق القلوب لبلادنا هواها
مانحنا بنحب من بلدنا ما براها
الإله بالجمال الأصلي خصها وبراها
شنو اليخليكم تخر مجوا وتفتشوا براها
وحليل أم العيال الخليتوها بردانة راقدة براها
مخلوعين شهر تتكلموا في الناها
وزولا عجوز بدا المشوار وسواها
شوف شناتا( شيتا )جل من سواها
مليون حليوة قاعدة في السقاي سكناها
بنات البلد يكيلن العين وما عداها
شوف نخرة الناها تقول نجرتا براها
وقدومها كيلو وركبها ماشة وراها
ولو تعرفوا ( توبنا ) الزانها وحلاها
والسفير الماعرفناه إلا بالقصيدة إياها
تسبب في عزلها من الوزارة أكيد ضراها
وده حال البسوي الحاجة وما عرف معناها
ويا بشرى أخوي ما تتبع جهالة منك إنت حاشاها
أكرم أم أحمد والمروة ليها براها
وعرس للبنيات سيبك من الداهية الناها
وللإخوان الدنيا حلوة من غير الأمور إياها
إحسان للعيال وإخبات لرب الأرض وسماها

[u]

والله يا فيصل أخوى أصل الحكاية هظار
وماتقول بالجد مكسّر زى التقول فى ظار
نتونس ونضحك ونمرق وننسى الكار
وما تصدق كلامنا وتصدق الاسفار
وما تمشى بعيييد أو تقييف تحتار

» نقلاً من منتدى ودبهاى د. غازى صلاح الدين السودانيين كسلانين ويحبون النسنسه!!!
» العلاقة بين السقاى والكباشى وقصة جيييب اللحم يا رهودا وبشرى مبارك إدريس
» جرائم أبناء الاثرياء ... كثرة المال تفسد الاخلاق نقلاً من الانتباهة
» كشف الترقيات والاحالات للصالح العام للشرطة الذى صدر قبل ثلاثة أيام نقلاً من أخر لحظة
» فرقة تيراب للكوميديا والحكومة السودانية !!!!!