بشرى مبارك ادريس
تنقساوي ذهبي
عدد المساهمات : 511
نقاط : 939
السٌّمعَة : 3
تاريخ التسجيل : 01/09/2011
 |  موضوع: سيد عوض فى الشرطة كان مييت كمد وقصيدة من بشرى مبارك إدريس  الجمعة 11 نوفمبر 2011 - 4:19 | |
|
السيد الفريق شرطة عوض وداعة الله حسين كان قد أشرف على تدريبنا نحن طلبة الدفعة 46 وقد تخرجنا فى 3 يناير 1982م وكنا قد دخلنا كلية الشرطة فى 21يناير 1980م أشرف ومعه مجموعة طيبة من دفعتة منهم على سبيل المثال الفريق شرطة د. عادل العاجب يعقوب نائب مدير عام الشرطة الحالى والفريق شرطة محمد الحسن محمد ادريس والفريق شرطة على عبدالله وكان ذلك فى العام 1980م .السيد الفريق شرطة عوض وداعة الله أستمر فى العمل فى كلية الشرطة من رتبة الملازم أول حتى وصل رتبة العقيد فى العام 1989م وقد تخرجت على يدة دفعات عديدة من ضباط الشرطة ويعد من أشهر ضباط الشرطة فى السودان .يمتاز بالاخلاص فى العمل والتفانى وكذلك بالصوت الجهورى وحفظ الاسماء عن ظهر قلب !! فى العام 1989م غادر كلية الشرطة الى عدة مواقع وعاد لها مرة أخرى فى العام 2003م فى رتبة اللواء مديراً لكلية الشرطة وبعدها مدير الدفاع المدنى ثم كلية الشرطة مرة أخرى وأخيرا مساعد مدير عام الشرطة للشئون الادارية ورئيس لجنة اعادة المفصولين من الشرطة للصالح العام الى أن لحق بالصالح العام فى مايو 2009م مع السيد مدير عام الشرطة السابق الفريق شرطة محمد نجيب الطيب ومجموعة طيبة من الفرقاء واللواءات. دارت بينى وبين سعادة الفريق شرطة عوض وداعة عدة اتصالات هاتفية من بون بصدد العودة للشرطة ولكن!!!!! .لم تكلل بالنجاح وصرفت النظر عن الموضوع وأنتقلت من بون (المانيا) الى بيرمنجهام(بيريطانيا) لدراسة أبنائى الجامعية وكانت رغبتهم الدراسة فى السودان وكنت أمنيهم بالعودة للشرطة !!!!.
فى غرة رمضان طافت بخاطرى ذكريات سنتين الكلية وصوت السيد عوض وداعة وطوابير الذنب والادارات الداخلية وأشياء عديدة أخرى منها تفانى سعادة الفريق شرطة عوض وداعة الله فى خدمة الشرطة فكتبت له هذة القصيدة وأتصلت عليه أكثر من 20 مرة دون أن أصل اليه وأخيرا أتصلت على الزملاء العميد شرطة دفعتى حيدر أحمد سليمان مدير شرطة الانتربول بالمباحث الجنائية المركزية السودانية (الشرطة الدولية ) والقيت عليه القصيدة وكذلك الاخ المقدم شرطة (م) النور مرحوم خيرى المشرف على رابطة أبناء الدفعة 46 وقد أعجبتهم القصيدة وكنت بصدد أن أرسلها للاخ حيدر أحمد سليمان لكى يقدمها فى افطار الدفعة الخميس 7 رمضان ولكن ظروف النت وتأخيرة حالت دون ذلك ولم أتمكن من أن أرسلها الاّ اليوم فمعذرة ..... أقدم لكم القصيدة وصراحة كل ضابط شرطة قرأتها له أشاد بها وأتمنى أن تجد القبول لدى السيد الفريق شرطة عوض وداعة الله حسين وهى رد وتعبير أقدمه لكل المخلصين . والى القصيدة :
سيد عوض فى الشرطة .......كان ميّت كمد
دربنا فى أول سنين ....... وعدانا عدانا عد
والله فى أخر التمام .. . أخر التمام دايما لبد
ونادى بد صوتو الجهير ....... عبد الصمد
انت يالواقف هناك ...... جنب جنب ودحمد
آى الواقف هناك جنب ود حمد جنب ودحمد
حلاقة صلعة وحبس .. خميس لى يوم الاحد
*********************
من مدنى ناس وداللمين .........سيد البلد
فضل الله قال.... داب العيون سهرن هجد
وسيد عوض ساهر على أمنو ..... ورصد
علم التقارير فيهو بارع سيدو سيدو جد
أدانا فيهو دروس كتيرة ......... بلا عدد
وسيد عوض ظهر الكشف ......وبلا وعد
والله ما منو انخلع ....... أنخلع أو أرتعد
سطّر كلام لغة بس غرام ..... قال يامدد
ودّع أخوان السلاح ..دعى ليهم وكم سجد
********************
ليهو مره رفعت خط ...خط فى يوم سعد
ردّ على كمّل الاسم التلاتى ..حيرنى جد
وانا عهدى بيهو من التخرّج.. صبىّ ولد
والله كان نعم المشجّع وصانى أكتب للبلد
شجعنى أكتب كم مقال للشرطة ماطريت الحرد
ودعا فى الختام ودعيت معاهو من عين الحسد
***********************
والله يا سيد عوض يا سيد عوض أخلصت جد
والله ياسيد عوض ..... ياسيد عوض سديته سد
شاحد الكريم الكريم يديك بنّية ...... وكم ولد
من أى واحدة من التلاتة ......... يكون سند
الصحة ليك سيد عوض على الاهل وعلى الولد
وليك تحية منى صادقة....... صادقة بلا وعد
من بون هناك ...... والبون طويل نجوم عدد
**********************
مع أول الشهر الكريم ... الكريم شهر الصيام
وندعو ليك ونحنا فى المسجد. .. المسجد قيام
وأدعو لينا واعفو لينا لو ....لعناك فى التمام
يارب نكون فى الحج منى ..... فى كم خيام
يارب نكون فى الحج منى ..... فى اى عام
وانت أفضالك كتيرة ......كتيرة وجد جسام
فى الشرطة فى الشرطة معروف.. بالحسام
كم كرّمك عمر الرئيس...... بى كم وسام
يارب تكون فى صحة كاملة .. وليك سلام
من كل من حمل السلاح ... ما اصلو نام
من كل من بات فى الخنادق ... والظلام
قبض البيسرق والبينشل .... فى الزحام
وان شاء الله أمنك يا بلد يا بلد دايما تمام
وان شاء الله أمنك يا بلد يا بلد دايما تمام
وفى الختام من بيرمنجهام سلام سلام سلام | |
|
