أنا من بحرى .......أنا بحراوى وقصيدة من بشرى مبارك

أنا من بحرى أنا بحراوى........( وقصيدة من بشرى مبارك إدريس)

--------------------------------------------------------------------------------

لاشك أن مدينة بحرى الهادئة والتى تكمّل الضلع التالت لمثلث العاصمة السودانية الخرطوم والتى تشمل (أمدرمان والخرطوم والخرطوم بحرى ) لها وقع خاص فى نفوسنا نحن أبناء ريفها الشمالى رأيت أن أعبّر عن ذلك بقصيدة أتمنى أن تجد حظها لكى تصبح قصيدة بحرى الوطنية والى القصيدة :

أنا من بحرى من بحرى وأنا بحراوى
جمالك رائع جمالك رائع كلحن الحاوى
فيكى سمعنا فيكى سمعنا جميلة حكاوى
نسيمك نسيمك صافى يريّح يريّح إداوى
ما اظنى أفارقك أفارقك كيف وتب ما ناوى
كلك كلك بهجة وبهجة ومافى مافى مساوى
طبييبك بارع طبييبك بارع وصوتك داوى
زراعتك زراعتك خضرة خضرة وفيها مشاوى
وسوقك سوقك مركزى خضارك خضارك ضاوى
وده الخلانى ده الخلانى أقول بى إسمك أنا بحراوى
أنا بحراوى أنا بحراوى أنا سودانى أنا سودانى
شوف شوف الازرق حولك هادى هادى ولاوى
وشوف النيل النيل اللونو لونو سماوى
**************************
**************************
**************************
كبارى جميلة بين أطرافك عامله عامله مثلث
وإنتى الضلع التالت وجوّك بهجة وما هو ملوّث
طريقك رابط مع مصفاة الجيلى مره عدييل والتانى مقوّس
والريف الرائع كلو جنائن وتمرو أصيييل ما فيهو السوّس
الكباشى والسقاى والفقرا هناك هناك الزجرو الوسوس
النيّة كمان واوسى الجيلى ودرملى هناك وقرى أقيف أتنفس
وتلقى جناين فيها تعاين وتلقى كمائن وطوبى جمييل وحسن الملمس

» بشرى مبارك إدريس من بيريطانيا بيرمنجهام ومن السقاى شمال بحرى ضيفاًعليكم
» هبّ الربيع العربى وقريب دمار صهيون وقصيدة من بشرى مبارك
» سيد عوض فى الشرطة كان مييت كمد وقصيدة من بشرى مبارك إدريس
» ربيع الثورة فى ليبيا خريفاً فقّع النوار وقصيدة من بشرى مبارك
» رمضان كريم... زيد فى نجاحك وقصيدة من بشرى مبارك إدريس