فى مداخله للدكتور محمد حسين كسلا بمنتدى الهلال

وجدت موضوع رائع ولقطة من لقطات الدكتور كسلا والتى لم نشاهدها كثيراً فى الميادين وشاهدناها فى منتدى الهلال والموضوع عن مازدا ولماذا يصر أن يلعب مساوى (المولف بواسطة مدربيين الهلال وأخرهم ميشو ) لماذا يصر أن يلعب بمساوى قلب دفاع وفى يده لاعبيين كل الاندية السودانية ، سوف أقدم لكم لقطات من موضوع الدكتور محمد حسين كسلا وبعده قصيدة فى المدرب القومى محمد عبدالله مازدا، كان كسلا قد أبتدر موضوعة عن لماذا يصر مازدا أن يلعب مساوى (المولف كثيرباك فى الهلال ) يصر أن يلعب فى نفس الخانه مع المنتخب الوطنى ومازدا فى يده أختيار أكثر من نجم فى هذه الخانه مما يدل على أنه بلا خطط وخاوى الفكر والشخصية القويه والرآى السديد .
فى الحقيقة تعذر إيجاد الموضوع ولكن بإختصار كسلا جاب طرفه الموسم عن مازدا وهى أن العرب وبعض الاجانب سألوه إنتو فى السودان ما عندكم مدرب غير مازدا ؟؟ يا أخى العربات كتيرة ما تجربو نوع تانى غير المازدا !!!لذلك قلت وكتبت هذه القصيدة الحلمنتيشية للمدرب مازدا وإتحاده وتقول :

العربات كتيرة المازدا المازدا ما تخلوها
وشوف كيف النجوم الكورة الكورة حايجلوها
لا سيكافا سيكافا جيبنا ولا الكؤوس الكؤوس دلوها
وفى عقر البلاد هزمونا غلبونا كيف ذلوها
يا مازدا العجييب وين الخطط بلوها أو شربوها ؟؟
ويين قلب الدفاع والكلمة الكلمة ما قالوها
قالو ليك (مولف ) والتوليفة جد جد ملوها
**************************

غيّر لينا مره وجييب لينا انتصار
وملينا الهزائم وملينا ملينا البوار
ويين أصل الخدار العندك (عدار )
ويين الجد هو عندك وكرهنا الهزار
مالو الازرق كتيير وما شُفنا الحمار
ويين ما شُفنا غيرك وين ناس جعفر ضرار
إتحادنا العجييب ويين ما تجييب تجييب قرار
أدفع لى مدرب لى مدرب وكلم ناس سوار
وكلم الشيخ خليفة أمير دوله قطر حايدفع دولار
وكلم الشيخ خليفة أمير دولة قطر حايدفع دولار

» مستوى الهلال والله جد حيرنا ومسدار من هلالابى !!!!
» وخسر الهلال مباراته لعدوم وجود المواهب السودانية
» تحليل مبارة الهلال والملعب المالى التى أنتهت بفوز الهلال بهدفين من كاريكا وبشه
» الهلال يستعد لعبور محطة أنيمبا الى دور الاربعة الكبار فى أفريقيا .
» نقلا من منتدى الهلال وميرفت الهلالابية