بشرى مبارك ادريس
تنقساوي ذهبي
عدد المساهمات : 511
نقاط : 939
السٌّمعَة : 3
تاريخ التسجيل : 01/09/2011
 |  موضوع: السودانى ملك الطب وفيهو اتخصص ومسادير  الإثنين 7 مايو 2012 - 18:36 | |
| السودانى ملك الطب وفيهو اتخصص ومسادير
--------------------------------------------------------------------------------
مناسبة هذه الابيات مناسبتها أننى ذهبت لعزاء الدكتور حاتم عبدالله الكردى فى ركبى وقد قابلت الاخ الدكتور أسعد تاج الدين العباس القادم من إيرلنده وكنت لم ألتقى به ردحاً من الزمن، فى مناسبة العزاء قابلت عدد كبير جداً من كبار الاطباء فى بريطانيا حضروا لعزاء زميلهم الدكتور حاتم الكردى وتحدثوا عن الزيارات الطيبة التى قاموا بتنفيذها فى السودان وتحدثوا عن مناصبهم ومواقعهم فى المستشفيات البريطانية وتخصصاتهم فأعجبنى تفوقهم ونجاحهم ورأيت أن أرد عليهم بهذه المسادير وأقدمها هدية لكل طبيب فى (بريطانيا العظمى ) عمل فيها أو حضر للتحضير أو ناوى إن شاء الله الحضور والتخصص وتكون عربون موده وتواصل بين قطاع الشرطة ممثلاً فى شخصى رائد شرطة معاش بشرى مبارك إدريس وقطاع الاطباء فى بريطانيا وإيرلندا وما جاورها والاطباء السودانيين فى كل مكان وألآن الى المسادير :
الاخ على الشاعر أرجو شاكراً تحويل المسادير لكل الاطباء من زملائك بجامعة الجزيرة المتواجدين فى بريطانيا العظمى وفى غيرها مع تحياتى وأعدهم بالمواصلة إن شاء الله ومن بيرمنجهام سلام سلام سلام أخوكم رائد شرطة معاش بشرى مبارك إدريس .
السودانى ملك الطب وفى بريطانيا فيهو اتخصص
وفاهمو وعارفو مراجعو بالحق فيهو دايماً حصص
ولو سألوهو عن الهسترى ما اتلفت يشوف أوبصبص
بى توفيق الكريم وبى إيد الخبير يشفيك قبُل ما تفحص
والاسماء كتيره خلاص ومشهورين وأبحاثم كتابه مرصرص
وواصلت فى المسدار التانى ويعنى ذلك يا دكتور أسعد تاج الدين عليك تجيب مسدارين تحل الدين بعد داك أواصل معاك وعارفك جابدك أبوك تاج الدين العباس صاحب الشعر الرصين وأكان غلبك شىء أستعين بالله وبى أبيك مابقصّر خاصه حديثه السمين البنقط دهن !!!
سريع النهمة لى سودانو ما جاب الكعب ومدغمس
ومعروف لكل مريض لكل زميل بالرصين ومؤسس
وبالو طويل وخلقو أصيل ما بتلقاهو خانس وسوس
جاهر صوتو يصعب يصعب فوتو دايماً دايماً أسس
يعيد البسمه يعيد البسمه لى كل من غشاهو اتحسس
أرجو من الاخ أسعد تاج الدين العباس توصل هذه المسادير لكل الاطباء الذين يعرفهم فى بريطانيا وإيرلندا والسودان والسعودية وفى كل أنحاء العالم ويا حبذا لو تمت الترجمة الى عده لغات ولنبدأ باللغة الانجليزية ومثل ما ذكرت نريد لهذا الشعر والمسادير أن تتواصل مثلها وبحوث الطب وأنواع العلاج للامراض والذى يتم إكتشافة كل يوم ، أيضاً طلب خاص منى للاخ أسعد والاخ حاتم أن يوصلو الموضوع وبعنوان المنتدى(منتدى أبناء السقاى ) لكل الذين حضروا بالامس السبت 29 يناير 2011م فى شقة الاخ الدكتور حاتم عبدالله الكردى وبدورى سوف أخبر الاطباء فى برمنجهام وخليتكم عافيه الاطباء الاعزاء ولنا عودة بل وعودات . | |
|
