بشرى مبارك ادريس
تنقساوي ذهبي
عدد المساهمات : 511
نقاط : 939
السٌّمعَة : 3
تاريخ التسجيل : 01/09/2011
 |  موضوع: كم نظرنا هلالنا المسدار الذى تحّول الى قصيدة كامله صباح اليوم الاثنين 19 سبتمبر  الإثنين 19 سبتمبر 2011 - 18:33 | |
|
بالامس ومع نشوه التأهل للهلال هلال البلد وهلال الملاييين الذى كان بتعادلنا مع الرجاء المغربى فى عقر داره بدون أهداف فى مباراه قوية ضاعت فيها خمس فرص مضمونه للهلال مقابل فرصتين للرجاء ،إنتصار أنيمبا على القطن وأنيمبا (أحرجنا فى المقبرة وأدخلنا بالمقدرة وإنتصاره على القطن ) وفى غمره أحداث الامس ورداً على طلب من الاخوان فى منتدى البركل وتحديداً من الاخت الاستاذه منال محمد الحسن بأن نقدّم أغنية كم نظرنا هلال ما شاقنا غير هلالو ونهديها لكل المريخاب على رأسهم الاخ جعفر وعلى وزن القصيدة كتبت مسدار من خمس أبيات وصباح اليوم قررت أن أكمله قصيدة كامله أتمنى أن تساعد فى رفع الروح المعنوية للاعبى الهلال ومجلس إدارته وجماهيرة ومدربة وطاقمة التدربى والفنى والطبى لكى يحققوا (عروض أولاً ثم نتائج أمام الترجى تحفظ لنا ماء الوجه ) وعلى العموم لامانع أن تجد القصيدة من يقوم بتلحينها على لحن كم نظرنا هلال ما شاقنا غير هلالو مع الاحتفاظ بالحق الادبى والملكية الفكرية لصاحب القصيدة واللحن والذى لاشك أن أسرته مجبره أن تكون أسره هلالية والان الى القصيدة :
كم نظرنا كُبار ما شُفنا غيرنا كُبارو
ما أظنو وصيف يكون دلالنا دلالو
خلى الوصيف فى القيف خليهو يفقد مالو
يدفع غرامة كتير وبرضو الخروج رأس مالو
وما أظنو وصيف وصيف يحصّل هلالنا وحالو
الكاس هو ما غاية لو شالو شالو أو ما شالو
مع الترجى نقيف نقيف ما يحقق جميع آمالو
وما أظنو زلال زلال يروينا يروينا غير زلالو
حققنا أهدافنا أهدافنا فى افريقيا شماله وادغالو
فى الفيفا نحنا صداره صداره وعزفنا موالو
أرجع هلالنا هلالنا البدر والبدر فى كمالو
وما أظنو وصيف وصيف يحصّل هلالنا وحالو
خمسه سنيين قاعدين فى القمة والقمة أحلى نزالو
سطر هلالنا المجد والمجد عرف عرف لى هلالو
وما اظنو زلال زلال يروينا يروينا غير زلالو
كم نظرنا هلال هلال ما شاقنا غير هلالو
ما أظنو وصييف يحصّل هلالنا هلالنا وحالو
https://www.youtube.com/watch?v=IWVA3YCVJ2g
| |
|
